انا حبيت اول موضوع ليا يبقى بأسم الجامعة المصرية نظرا للي انا هكتبه دلوقت واللي انا واثقة ان الكل هيوافقني عليه؟
آيـــه رأيك في الجامعة المصرية؟
.. لا بجد رأيك فيها ايــه؟
شايف انها تستحق يتقال عليها جامعة؟
انا عن نفسي مش شايفة كدا
فين التعليم اللي الناس بتتكلم عنه
فين انت لما تروح جامعة عشان تحضر محاضرة وتفهم تلاقي الدكتور اللي بيشرحلك مش فاهم حاجة
فين التعـــليم؟؟
التعليم اللي بجد انك تاخد الحاجة تزاكرها تبص فيها تشوف انت اخدت ايه
حتى لو مافهمتش من الدكتور اللي بيشرحلك في حاجة اسمها كتب
فين الكتب دي مش بنشوفوها غير اخر شهر
قليل من الجامعات المصرية اللي كتبها بتنزل في المكتبة من الاول
طبعا منتهى الاهمال في التعليم
..
طب دة يعني الدكتور بياخود فلوس حرام مثلا ؟؟
دة يعني خلاص الواحد يرمي طوبة التعليم
واهو باخد ليسانس او بكالوريوس عشان يبقى اسمي اخدت كلية وخلاص
لأ انت كدا ما اخدتش حاجة
..
دة اول حاجة في الجامعة المصرية
..
نيجي بقة لتاني حاجة
الشباب والبنات
كل واحد رايح مش عشان يتعلم لأ رايح عشان يتعرف على بنات ويكلم دي ويتعرف على دي
دي تبص لدا وتضحك لدا
شوية اصحاب شوية يقلبو احباب شوية يكرهو بعض
انتو فين هنا؟
انتو فين؟
ممكن تبقو اصدقاء كويسين اوي مع بعض
بس انت ليه نيتك وحشة من ناحية صحبتك؟
تقف معاها واول ما تمشي تتكلم عليها
انت كدا مش راجل
.
وانتي فين انتي؟
انتي ايه اللي عملاه في نفسك دة
انتي جاية تستعرضي جسمك ولبسك
احنا في عرض ازياء احنا
...
هي دي الجامعة المصرية دلوقت
استعراض ..للبنات والولاد
ماعدش في تعليم
ماعدش في اهتمام
ماعدش فيه حيـــاء
يا ترى ايه بعد كدا
هيلغو الجامعات خالص ؟؟؟
By:Faith hill
هناك تعليق واحد:
جيتي ع الجرح يا دوددا
انا دخلت الجامعة من هنا واتخنقت خنقة
تقريبا يا بنتي العيال رايحة ديسكو
كلام ع الموضة
كلام عن اخر قصة شعر
بنطلونات ساقطة وبديهات طالعة
نازل وطالع
ولبس وميك أب وصحوبية فاشلة
وبييجوا سماعات في ودنهم ومفيش محاضرات يحضروها أساسا
ولو حضروا محاضرات يصعب عليهم يقعدوا يسمعوا الست أو الراجل اللي بيتكلموا
عندي دكاترة محترمين جدا جدا جدا
بس الطلبة . . أعوذ بالله
بيعصبوا الدكاترة وفي الاخر المحاضرة تتلغي والدكتور اللي يسيبنا
وفي الاخر كله بييجي ع اللي عايز يفهم ويجيب تقدير
ذنبنا ايه ؟!
معرفش
أحسن لنا نقفل الجامعات ونبيع طرشي
بس برضه لا اعتراض في ناس بتثبت نفسها وبتتحدي كل الظروف وموجودين فعلا
ولو قلة حتي
أهم حاجة يثبتوا نفسهم
THx u dodda 4 this topic
Beautiful Soul
إرسال تعليق