هزي يا نواعم . .

هزي يا نواعم . .

اه . . هزي

ده البرنامج اللي أذاعته القناة اللبنانية LBC

ياللا . . هزي

أمر منهم اهوه علشان يهزوا كل حاجة حتي القيم والأخلاق

دعوة منهم لإعادة عصر الجواري

مسابقات واحتفالات و الكثير من المال

من أجل (( هزي ))

لا لصالح فلسطين أو غيرها من البلاد المغتصبة

لا من أجل اليتامي أو المصابين أو المرضي

دعوة من أجل الرقص

دعوة لكل شاب أن ينظر ويتمتع بما حرمه الله

دعوة إلي كل شاب ألا يغض بصره

دعوة إلي كل فتاة أن تخلع ملابسها و يصبح جسدها سلعة من أجل البيع والشراء

هذا ما يدعو إليه الحقراء

وطبعا لازم البرنامج يرحب بالوحدة العربية ويوطدها أكثر فأكثر

وعشان كده البرنامج أتاح الفرصة لمشتركات من الدول العربية وبعض من الأجنبية كروسيا و أوكرانيا

من ذواتي الجسم الملفوف ومن يجدن الرقص

و كتر خيرهم بقي . . دول بيدونا كتيـــــــر

كل واحدة تطلع منهم تحكي عن حبها وعشقها للرقص وتفننها فيها وتقعد تدعي ربنا انه يوفقها وترفع راس بلدها

هيرفعوا راس بلادهم ؟ !

اه صح دول بيرقصوا

و مع المذيع خفيف الدم اللي بيرفض يقدم برامج بس فكرة البرنامج عجبته وبيأيدها وكمان فخور بيها . . ع جهنم إن شاء الله

و لجنة التحكيم المتكون من ناس كده وما بينهم الراقصة المعتزلة نجوي فؤاد و مدرب الرقص ظاظا

مسخرة وربنا . . حسبي الله ونعم الوكيل فيهم

ولا البنات . . اتطوعوا أخيرا في حاجة تفيد بلادهم . . قال هيرفعوا راسها قال

ليه بجد اللي بيحصل ده ؟ !

ليه القنوات ديه بدل ما تعمل مسابقة بين الشباب المثقف وتمنح ال 50 ألف دولار دول لإنسان يستاهل

إنسان بكرة يرفع راس بلده بعلمه وقدراته العقلية

لا مش يصح برضه . . لازم يعظموا الفن الهابط

لازم يحققوا أعلي نسبة مشاهدة بإبراز مفاتن المرأة

. .

وطبعا كل ده هيتطربق فوق دماغنا

وبدل ما نتكلم عن القضايا الهامة وازاي نحلها كالبطالة والتلوث وغيرها

هنتكلم بسطحية

هنكافح ونجاهد علشان نعرف مين خد أعلي نسبة تصويت

مين هيفوز

وكل اهتماماتنا هتكون تافهة

. .

لازم نقف وقفة بجد

رأيكم ايه يوقف البرنامج التافه ده ؟ !

كنتم مع Beautiful Soul