هوه الحزن ساكن جوايا ولا ايه

حساني طاير مجروح

بتألم وكلي جروح

اهرب من الحزن اللي ماليني

ولا من العالم الخداع

اروح فين . . واجي منين

بتألم وكلي جروح

حساسة وده كل ذنبي

في الدنيا وماليش أقول آه

حساسة ومش هقدر أعيش

لأني مقررتش أعيش

وأنا ليه دايما بستحمل

أحزان غيري وأحاول أداوي

وأنا غيري مش قادر يداويني

غلطانة أنا ولا غيري

بس خلاص

أنا غلطانة . .

أنا اللي كلي جراح

لازم استحمل

أكتم غيظي . . واهوه ارتاح

مش لازم أشكي

مش لازم أبكي

مش لازم أحسس غيري بالآه

اقعد وحدي . . في ركني

أحاسب نفسي وأقول الآه

وبكده مش محتاجة لأيد تساعدني

مش محتاجة حضن يطمني

خلاص

اقعد وحدي زي زمان

اقعد آهاتي من الأوجاع

ويا جراحي . . مهموم وكئيب

ومحدش هيقدر يساعدني

خلاص . .

مش هطلب حد يطمني

مش هطلب حد ياخدني في حضنه

أنا مع نفسي . . والأوجاع

بتألم . . وأنا كلي جراح

BY : Beautiful Soul

أنا هرسم كل اللي في نفسي

أنا ادامي ورقة بيضا

هرسم فيها اللي في نفسي

هرسم ورد وشجر ونخيل

هرسم كوبري و أقف عليه

هرسم شط ومراكب

هرسم جناحين و أطير

هرسم وهرسم وهرسم

زهقت خلاص من الخداع

كدب ورشوي و نفاق

و ادي حياتنا بقت رماد

برضه هرسم وأحاول

هرسم بنت بحجاب

وأرسم شاب بيجاهد

و أمحي كل السواد

هعبر عن معني الحب

هعبر فيها عن الصدق

وأعبر وأعبر وأعبر

ما الورقة البيضا ملكي

وهلون فيها براحتي

هرسم بيت وليه جنينة

وأعيش فيه ويبقي لي عيلة

و عيالي يتربوا ع الإيمان

و هلون الورقة البيضا

و لما أزهق هبص فيها

وأتخيل أحلي عيشة

بعيد عن الزيف والخداع

By : Beautiful Soul

المساجد بتشكي

الله أكبر . . الله أكبر

مرة نايم . . ومرة ناسي

مرة مكسل . . ومش قادر

والأعذار عمالة تتكرر

والجماعة عمالة تتهاون

ديه المساجد بدأت تشكي

حالك أنت ولا حالي

كل يوم بينادي علينا

ياللا يا مؤمن عمر بيتي

لكن أنا و أنت لسة ما قومنا

الله اكبر . . الله أكبر

ديه المساجد مفتوحالك

مستنياك تيجي تكبر

نيجي نخذلها ونقعد ننسي

ليه بننسي ؟!

ليه بنكسل ؟!

ليه بنحزن وربي شاهد ؟!

ياللا نعمر المساجد

ياللا نشجع كام صاحب

واهوه حسناتنا تزيد وتبارك

واهوه صحابنا ينادوا صحابهم

وادينا بنتجمع في المساجد

وايا ديننا . . أحلي راحة

ديه المساجد بدأت تشكي

ياااااااااه يا جماعة . . فين الشباب بجد

فين اللي هيرفعوا راسنا بجد

ليه بقت الصلاة في بعض المساجد عبارة عن صف أو اتنين

ليه بقينا نهجر المساجد يا شباب

طب لسة الفرصة موجودة

عمروها بقي

ياللا يا شباب

قال رسول الله صلي الله عليه وسلم :

(( صلاة الجماعة أفضل من صلاة الفذ بسبع و عشرين درجة ))

صدق رسول الله صلي الله عليه وسلم

ايه يا عم

مستخسر في نفسك ولا ايه

ياللا بقي

نسيب اللي في ايدينا أول ما نسمع الله أكبر

نروح ونتوضأ وننزل نصلي

عايزين نعمر المساجد تاني

ديه بتشكي يا جماعة

و ربنا يهدينا أجمعين

By : Beautiful Soul

القطة مهدور حقها

اد ايه القطة مخلوق جميل

بتشعر الواحد كأنه في عالم تاني

بالضبط لما الواحد يبص في عنيها

أحيانا نحس بضعفنا

أحيانا نحس فيه أمل

أحيانا نحس بخوف

بنحس بحاجات كتير أووووي

بس هيه مخلوق فعلا جميل

اخويا بيحكيلي امبارح وهوه ماشي بالعربية واخويا التاني جمبه

وكان فيه عربية جاية في وشه وأتوبيس ماشي ع يمينه

يعني مش ينفع يحود يمين ولا شمال

وماشي ماشي ماشي

فجأة القطة جريت ادامه بالضبط

والقطة راحت راحت

اخويا حس بكيس بيفرقع ولما مشي خلاص اخويا التاني بيبص ورا لقي القطة اتفعصت

بجد أنا زعلت اوووي وكدت أن أبكي

هوه مش ذنب اخويا لأن القطة هيه اللي جات ادامه وهوه ماشي بالعربية وع اخر لحظة

هوه ده قدرها

بس فعلا حزنت عليها

ومرة شوفت قطة المترو كان داس عليها

بجد حاجة فظيعة أووووي

ياااااااااااااااااااه

يا تري القطط مهدور حقها . . لأنها ع طول ماشية في الشارع والعربيات بتدوسها

ولا ايه الحكاية

يااااه

كل ما أتخيل منظر القطة وهيه بتتداس تحت عجلة العربية وكل عظمها انكسر وأصبحت ما هي إلا مجرد دماء

ربنا يرحمنا جميعا

Written by : Beautiful Soul

سهــل عليــك تقــول

سهل عليك تقولي انك سيبتها علشاني
وصعب عليا اقولك بحب واحد تاني

طب ما انت الي سيبتني .. وانت الي بعتني
وانت الي اختارتها .. وهجرتني وخنتني
ما انا كنت زمان معاك .. جنبك وعشقاك
راجعلي ليه روحلها .. ماهي شبهك عاملة ملاك

سهل عليك تقول

سهل عليك تقولي سامحيني تعالي نرجع
عمري ماهرجع ليك ولكلامك انا مش هسمع

ما انت الي روحت بعيد .. وبعدك كتير اسيت
راجعلي متأخر .ما غيرك خلاص حبيت
انا خايفة اجرح قلبك .. بعد الي عملته فيا
وكلامي أكيد هيأثر . غضبت عليك عنيا

سهل عليك تقولي انك سيبتها علشاني
وصعب عليا اقولك بحب واحد تاني

By : Faith hill

القبض على طلاب لانضمامهم لجماعة الاخوان

ألقت أجهزة الأمن المختصة اليوم الثلاثاء القبض على 13 طالبا بكليتي الطب والصيدلة جامعة الإسكندرية لإنضمامهم لجماعة الإخوان المسلمين المحظور نشاطها وحيازتهم لمنشورات وملصقات تروج لفكر الجماعة الذي يعرض الأمن والسلم الاجتماعى للخطر. كانت المعلومات التي وردت لأجهزة الأمن المختصة قد أكدت قيام الطلبة بالتجمهر والتظاهر وحيازتهم لمنشورات وملصقات تروج لفكر الجماعة المغلوط الذي من شانه تكدير الأمن العام فضلا عن حيازتهم لمكبرات صوت يتم إستخدامها في الدعاية عن الأفكار المغلوطة.

By: Faith hill

20 الف حالة اغتصاب سنويا في مصر

ذكر تقرير دولي صدر أمس الثلاثاء أن 20 ألف حالة اغتصاب تسجل سنويا في مصر، واعتمد التقرير على تقارير وزارة الداخلية المصرية التي تشير الى وقوع 55 حالة اغتصاب كل يوم.فيما شكك خبراء بتلك الأعداد، وقالوا أنها أقل من الواقع بعشر مرات على الأقل.وقال التقرير الذي اعدته شبكة الانباء الإنسانية "ايرين"، عن ليلي دينوسن، مدير "مركز المعادي للطب النفسي" ان تضاعف حالات الاغتصاب بدأت تضاعف من الضغوط الإعلامية والشعبية الهادفة إلى التعاطي مع تلك الجريمة.وحذر التقرير من استمرار الممارسات التقليدية في بعض مناطق الريف، حيث تتكتم المرأة على ما تتعرض له خوفاً من "العار"، فيما تتم عمليات "تصفية" الضحايا تحت شعار "جرائم الشرف".واعتبر التقرير أن البطالة والفقر وتأخر الزواج من الدوافع الرئيسية لارتكاب جرائم الاغتصاب.من جانبها، قالت رانيا حميد، رئيسة وحدة الاستشارات النسائية في "مركز المساعدة القانونية للمرأة": ان العادات التي تعتبر الاغتصاب "بلاءا" يجب ان تتغير لكن هذا ليس سهلا ، فالعادات ترجع إلى أزمنة سحيقة، وعلينا تبديلها شيئاً فشيئاً.وأضافت: "هناك مشكلة الشرف.. قد يقوم الأخ أو ابن العم بقتل ضحية جريمة الشرف، متهماً إياها بقبول ما تعرضت له، وفقدانها لشرفها بسبب ذلك.. ولكن لمن سنقول هذا الأمر، للمرأة أم للمجتمع."لكن أنجي غزلان، الناشطة في حملة مناهضة التحرش بالنساء في "المركز المصري لحقوق المرأة" قالت ان تقارير وزارة الداخلية أقل من الواقع.

By: Faith hill